台湾艺人大S（徐熙媛）同内地富二代老公汪小菲宣布离婚后，即有传汪小菲离婚前与一名貌似“冻龄女神”朱茵嘅25岁女主播张颖颖出轨一年，甚至有汪母张兰同张颖颖合照流出，不过汪小菲极速否认恋情，大闹“恶意造谣，故意诋毁”！点知讲完冇几日，汪小菲就被拍得喺16日现身北京，本身一支公等人嘅佢，同司机齐齐坐名车Loop电话，等足半个钟之后就见到一位长发女子上车，疑似系同佢传绯闻嘅张颖颖。
二人喺车上未见有亲密行为，汪小菲就食住同朋友玩FaceTime，身旁女伴就低头揿电话，之后就齐齐去咗汪小菲住所，当晚未见二人离开。点知两天后，同一名长发女子再被发现身穿白色羽绒出现汪小菲住处，但该社区有门禁，佢就企门口打电话，不久后门被打开，佢就入去一直留到晚上10点几都没见离开。
